Deduzituko zenuen moduan haren asmatzailearen izena darama, Augustin-Jean Fresnel (1788-1827) fisikari frantziarra

Fresnelen lentea bere garaian oso lente berritzailea izan zen. Berez, gaur egun erabili egiten da oraindik esparru ugaritan. Linternetan, autoen faroetan edota errealitate birtualeko bisoretan aurki dezakezu…
1822. urtean probatu zuten lehen aldiz Corduaneko itsasargian.

Baina nola funtzionatzen du zehazki?

Fresnel ohartu zen lente batean argia bildu eta areagotzea ahalbidetzen duena gainazala baino ez dela. Horrela, arinagoa eta erabilerrazagoa zen bat eraikitzeko aukera otu zitzaion, lente arrunt baten barnealdea hustuz, hau da, xaflatan moztuz.

Moztu ondotik geratu ziren eraztunei esker lente mailakatu bat era zitekeen, jatorrizkoa baino askoz ere meheagoa izan arren propietate berdinak eskaintzen zituena: irekiera handia eta distantzia fokal laburra.

Itsasargietan ez ezik, Fresnelen lenteak eguzki kolektoreetan erabili izan dira anitzetan.

Arretaz begiratzen baldin baduzu, lentearen atzealdean, hiru hagaxkarekin eutsita, euskarria dago, eguzki izpien ekintzaren eraginpean utzi nahi den gorputza ipintzeko balio duena. Euskarri hori sistemaren foku nagusian dagoenez, bertan ipintzen diren substantziak oso tenperatura handien eraginpean geratzen dira. Urrea, platinoa eta kuartzoa berehala urtuko dira bertan.

Neurriak

Oinarria: 71×32,5 cm. Altuera: 25 cm.