Kippen
aparatua
Kippen aparatua bata bestearen gainean egokitutako bi ontzirekin eratzen da.
Beheko ontzia dekantazio-inbutu baten antzera konfiguratzen da.
Bertan dagoen irteera tutua beheko ontziaren irekieratik bideratzen da haren hondora iritsiz.
Hau da funtzionamendua:
Material solidoa sartzen da tarteko baloian. Ondoren, soluzioa isurtzen da goiko ontzitik.
Soluzioa beheko zatira jaitsi eta solidoak betetzen duen mailara arte igo dadin ezinbestekoa da balbula irekitzea airea askatu eta, modu horretan, ontziaren barneko presioa murrizteko. Hori gertatzen denean balbula itxi egiten da.
Orain aparatua prest dago eta soluzio urtsuaren eta solidoaren arteko erreakzio kimikoa hasten da.
Erreakzioak aurrera egin ahala sortutako gasaren ondorioz tarteko ontziaren barnean presioa areagotu egiten da.
Horrela, likidoa gorantz bultzatzen da berriro. Erreakzioa amaitu denean sortu den gasa askatu egin daiteke balbula erabiliz.
Neurriak
Oinarria: 34x13cm. Altuera: 9 cm.
Petrus Jacobus Kipp
Petrus Jacobus Kipp (Utrecht, 1808 – Delft, 1864)
Herbeheretar botikaria, kimikaria eta tresna-fabrikatzailea izan zen. «Kipp aparatua» asmatu zuen, gasak garatzeko ekipamendu kimiko bat.
1842an, Nederlandse Maatschappij ter bevordering der Pharmacie (farmaziaren aurrerabiderako herbehereetako konpainia) sortu zutenetako bat izan zen.
Urte berean, untxien gibelean eta giltzurrunetan zegoen artsenikoari buruzko ikerketa baten emaitzak argitaratu zituen. Ikerketa horretarako, hidrogenoa sortzeko gailu bat erabili zuen. Diseinua erabat gustatzen ez zitzaionez, bere gas-sorgailua garatzea erabaki zuen. Lehen bertsioa Heinrich Geißler alemaniar beira-putzegileak sortu zuen, baina oso hauskorra zen. Urte berean, Kippek beste diseinu bat sortu zuen, eta berriz ere Geißlerrek egin zuen gailua. Diseinu hori Kipp aparatuaren etorkizuneko bertsio guztien eredua izan zen.
62 cm-ko altuera du, eta 1845etik 1875era bitartean ekoitzi zuten.
Zientzia eta teknologia maite dituzu?
Egin bat jakin-min handia duen gure komunitatearekin! Aurkitu “Laboratorium Sekretua”ren asmakizun zoragarriak eta “Jenio Asmatzaile” bihurtu zaitez!
Sartu!
